مرکز کے زیر انتظام لداخ میں ڈائریکٹوریٹ آف ہیلتھ سروسز کی جانب سے مشتہر کیے گئے کورونا بلیٹن کے مطابق لداخ میں عالمی وبا کورونا وائرس کے دو مزید نمونے مثبت پائے گئے ہیں۔
محکمہ صحت لیہہ کو چھوشوت یوقمہ میں قائم کووڈ19 لیبارٹری سے 22 نمونوں کی رپورٹ موصول ہوئی جن میں سے 17نمونے لیہہ اور 5 نمونے ضلع کرگل کے ہیں۔
دونوں مثبت افراد کا تعلق ضلع کرگل سے ہے۔
قابل ذکر ہے کہ خطہ لداخ میں کورونا وائرس سے متاثرہ افراد کی تعداد میں حالیہ دنوں اضافہ دیکھا دیکھنے کو مل رہا ہے۔
واضح رہے کہ لداخ میں کورونا وائرس کے 99 کیسز سامنے آئے ہیں جن میں سے 50 صحت یاب ہو چکے ہیں اور 48 دیگر زیر علاج ہیں۔ جبکہ کورونا وائرس سے متاثرہ ایک مریض کی موت واقع ہوئی ہے۔
