بڈگام: عسکریت پسندوں کی مدد کرنے کے الزام میں 2 افراد گرفتار

جموں و کشمیر کے بڈگام میں لشکر طبیہ عسکریت پسندوں کی مدد کرنے کے الزام میں 2 افراد کو گرفتار کیا گیا۔

بڈگام میں لشکر طیبہ کے دو ہمدردوں کو گرفتار کرلیا گیا جبکہ پولیس کے مطابق ان کے قبضہ سے بھڑکاؤ مواد برآمد کیا گیا۔

سرکاری بیان کے مطابق بڈگام پولیس نے 53 آر آر اور 43 بی این، سی آر پی ایف ٹیم کی مدد سے لشکر طیبہ عسکریت پسند کے دو ہمدردوں کو گرفتار کیا۔ ان پر بڈگام کے حیدرپورہ اور ہمہاما علاقہ میں عسکریت پسندوں کو پناہ دینے اور مدد کرنے کا الزام ہے۔

گرفتار افراد کی شناخت عاقب احمد وانی اور عادل منصور میر کی حیثیت سے کی گئی۔ پولیس نے بتایا کہ عاقب اور عادل سوشیل میڈیا کے مختلف پلیٹ فارمز کے ذریعہ پاکستانی عسکریت پسند کمانڈرز کے ساتھ رابطہ میں تھے۔