Two Days Thang Ta Championship ترال میں دو روزہ تھنگ تا چیمپئن شپ شروع

ضلع پلوامہ کے ترال میں اسپورٹس کونسل کے اشتراک سے انڈور اسپورٹس گراونڈ میں دو روزہ ڈسٹرکٹ تھنگ نا اسپورٹس چمپئن شپ کا انعقاد کیا گیا جس میں سینکڑوں کھلاڑیوں نے حصہ لیا۔

پلوامہ: مرکز کے زیرانتظام یوٹی جموں و کشمیر میں ضلع پلوامہ کے ترال میں اسپورٹس کونسل کے اشتراک سے انڈور اسپورٹس گراونڈ میں دو روزہ ڈسٹرکٹ تھنگ تا اسپورٹس چمپئن شپ کا انعقاد کیا گیا جس میں سینکڑوں کھلاڑیوں نے جوش و خروش کے ساتھ حصہ لیا۔ دو روزہ ڈسٹرکٹ تھنگ تا اسپورٹس چمپئن شپ کے موقع پر ایڈیشنل ڈپٹی کمشنر ترال ساجد نقاش مہمان خصوصی کی حیثیت سے موجود رہے۔ چمپئن شپ میں شمولیت کرنے والے کھلاڑیوں نے دن بھر بہترین کھیل کا مظاہرہ کیا جس سے شائقین کھیل لطف اندوز ہوئے۔

اسٹیڈیم میں موجود کوچ سجاد احمد نے بتایا کہ یہ چمپئن شپ کل بھی جاری رہے گی جس کے بعد کھلاڑیوں کو انعامات سے نوازا جائے گا اور ان کی عزت افزائی کی جائے گی۔ اے ڈی سی ترال ساجد نقاش نے ایسے مقابلوں کو منعقد کرنے پر انڈور اسٹیڈیم کے منتظمین کی سراہنا کی ہے۔

میڈیا سے بات کرتے ہوئے اے ڈی سی ترال نے بتایا کہ یہ بڑی خوش ایند بات ہے کہ تھنگ تا میں ترال کے بچے قومی سطح پر اپنا نام روشن کر رہے ہیں۔یہ بچے ہمارے سماج میں منشیات کے مخالف مہم میں سفیر بنیں گے تاکہ منشیات کی جو وباء چہار سو اس وقت پھیلی ہوئی ہے اسکا قلع قمع کیا جائے اور اس میں ان کھلاڑیوں کا رول ایک اہم مقام رکھ رہا ہے۔