پلوامہ: بی جے پی کارکنان کے لیے تربیتی کیمپ کا انعقاد

بی جے پی کے اس تربیتی کیمپ میں کارکنان کو عوام کے ساتھ تال میل کرنے کا طریقہ سمجھایا۔

ضلع پلوامہ میں آج بھارتیہ جنتا پارٹی کی جانب سے یک روزہ تربیتی کیمپ کا انعقاد کیا گیا جس میں کارکنان کو تربیت دی گئی کہ وہ لوگوں سے تال میل کیسے بڑھائیں۔ انہیں اس بات کی بھی تربیت دی گئی کہ ایک لیڈر کا پہناوا اور بات کرنے کا طریقہ کیسا ہونا چاہیے۔

اس تربیتی کیمپ میں متعدد کارکنان نے شرکت کی۔ اس تربیتی کیمپ میں بی جے پی کے ضلع صدر سجاد رہنا، بی جے پی کے ترجمان الطاف ٹھاکر کے علاوہ بی جے پی کے دیگر لیڈران کے ساتھ ساتھ کارکنان کی ایک بڑی تعداد نے شرکت کی۔

اس حوالے سے بی جے پی کے ترجمان الطاف ٹھاکر نے بات کرتے ہوئے کہا بی جے پی ہر تین سال کے وقفے سے کارکنان کو محتلف اقسام کی تربیت دیتی رہتی ہے۔

آج ہم نے اپنی کارکنان کو اس بات کی تربیت دی کہ ایک لیڈر میں کیا کیا خصوصیات ہونی چاہیں، اس کا پہناوا، بات کرنے کا طریقہ کیسا ہو اور لوگوں سے کس طرح میل جول بڑھانا ہے۔

وہیں، انہوں نے کہا کہ بی ڈی سی اور ڈی ڈی انتخابات کروانے کا مقصد صرف اتنا ہے کہ لوگوں کے مسائل حل ہوں اور ہر ایک علاقے میں تعمیر و ترقی کے کام انجام پائیں۔

مزید انہوں نے کہا کہ مرکزی سرکار کی جانب سے جموں و کشمیر کو صحیح وقت پر ریاست کا درجہ واپس دیا جائے گا جس کے لیے بی جے پی پابند عہد ہے۔