سڑک کی خستہ حالی پر عوام کا احتجاج

جنوبی کشمیر کے سب ڈسٹرکٹ ترال میں سڑکوں کی ناگفتہ بہہ حالات عوام کے لئے سوہان روح بنی ہوئی ہے آج ترال بالا میں آبادی نے تنگ آمد بہ جنگ آمد کے مصداق سڑک پر دھرنا دیا اور ٹریفک کی نقل و حمل کو مسدود کیا۔

ایک خاموش احتجاج کے زریعے آبادی نے الزام لگایا کہ متعلقہ حکام نے ترال ڈاڈسرہ نامی سڑک پر مقدم محلہ کے نزدیک تجدید ومرمت کاری کا سلسلہ شروع کیا تھا تاہم اس سڑک پر میکڈم اب تک نہیں ڈالا گیا جسکی وجہ سے وہاں اٹھ رہے گرد وغبار سے عام لوگوں اور مقامی دکانداروں کو زبردست مشکلات کا سامنا کرنا پڑ رہا ہے۔

ای ٹی وی بھارت کے ساتھ بات کرتے ہوئے ایک مقامی شہری بشیر احمد بٹ نے الزام لگایا کہ جان بوجھکر عوام کے صحت کے ساتھ کھلواڈ کیا جا رہا ہے ایک مقامی دکاندار نے بتایا کہ اگر جلد از جلد سڑک پر میکڈم بچھایا نہیں گیا تو وہ اس اہم راستے پر ٹریفک کی نقل و حمل کو مسدود کریں گے۔