قومی شاہراہ کی پابندی سے عوام پریشان

ریاست جموں و کشمیر کی قومی شاہراہ نمبر44 ہفتے میں دو دن بند ہونے کی وجہ سے عوام کو مشکلات کا سامنا کرنا پڑ رہا ہے۔

سکیوریٹی وجوہات کی بنا پر ابتداً گورنر کی جانب سے یہ حکم آیا کہ ہفتے میں دو دن اتوار اور بدھ کو قومی شاہراہ عوام کے لیے بند رہیں، اس میں صرف سکیوریٹی اہلکاروں کی گاڑیوں کو آنے جانے کی اجازت رہے گی۔

اس کے بعد 22 اپریل کو یہ حکم جاری ہوا کہ بدھ کو عوام کی کے لیے یہ چھوٹ صرف سری نگر سے بارہ مولہ تک رہے گی۔

ریاستی حکومت کے اس حکم سے یہ بات عوام کو سمجھ نہیں آ رہی ہے کہ سری نگر سے بارہ مولہ محفوظ ہے، جب کہ ادھم پور سے سری نگر غیر محفوظ ۔

ریاستی حکومت کے اس نئے حکم سے عام شہری تذبذب میں مبتلا ہیں۔