'بانڈی پورہ میں سیاحت کو فروغ دینے کی ضرورت'

ریاست جموں و کشمیر کے ضلع بانڈی پورہ میں آج ڈی سی بانڈی پورہ شہباز احمد مرزا اور ایس ایس پی بانڈی پورہ راہل ملک نے مشترکہ طور پر ایک موٹر سائیکل ریلی کو ہری جھنڈی دکھا کر روانہ کیا۔

یہ موٹر سائیکل ریلی بانڈی پورہ سے ہوتے ہوئے سرحدی تحصیل گریز پچاس کلو میٹر مسافت طے کرے گی۔ اس موٹر سائیکل ریلی کا اہتمام لجنڈ ریڈرس بانڈی پورہ نے سیاحت کو فروغ دینے کے لیے کیا۔

اس موقع پر صدر سہیل راتھر کا کہنا تھا کہ بانڈی پورہ کی سرزمین سیاحت کے اعتبار سے ہر طرح سے نظر انداز کی گئی ہے۔ یہاں سیاحت کے بہت سارے وسائل موجود ہیں جن کو فروغ دینے کی ضرورت ہے۔

اس موٹر سائیکل ریلی کا مقصد بانڈی پورہ اور گریز کے سیاحت کو فروغ دینا اور سرکار کی توجہ بانڈی پورہ کی طرف مبذول کرنا ہے۔

واضح رہے کہ سرحدی تحصیل گریز اکثر باقی دنیا سے کٹ کے رہ جاتا ہے۔ تقریب میں فوج پولیس افسران کے علاوہ نوڈل افسر سپوٹس پیرزادہ خورشید احمد اور دیگر افسران بھی موجود تھے۔