ڈی ڈی سی انتخابات: 'پولنگ کی ٹائمنگ تبدیل کی جائے'

ترال کے لیے ڈی ڈی سی امیدوار ڈاکٹر ہربخش سنگھ کا کہنا ہے کہ پولنگ کے لیے صبح سات بجے ان دنوں گھروں سے نکلنا محال ہے اور اس لیے الیکشن کمیشن کو نو بجے سے چار بجے تک ٹائمنگ رکھنی چاہیے۔

ڈی ڈی سی انتخابات کے پہلے مرحلے کی ووٹنگ پر اعتماد کا اظہار کرتے ہوئے پی ڈی پی کا کہنا ہے کہ عوام نے بی جے پی کے مکروہ عزائم کے خلاف ووٹ دیا ہے۔

جنوبی کشمیر کے ترال علاقے میں میڈیا سے گفتگو کرتے ہوئے پی ڈی پی کے ترجمان اور ترال کے لیے ڈی ڈی سی امیدوار ڈاکٹر ہربخش سنگھ نے بتایا کہ 'ڈی ڈی سی انتخابات کے سلسلے میں عوام کی بھاری شرکت سے بی جے پی کے منصوبوں پر پانی پھر گیا ہے اور عوام نے اپنے جمہوری حق کا استعمال کرتے ہوئے یہ ثابت کر دیا ہے کہ وہ پانچ اگست کے اس فیصلے پر رضا مند نہیں ہے جس کی وجہ سے ہماری شناخت ہم سے چھینی گئی۔'

ڈاکٹر ہربخش سنگھ نے کہا کہ بی جے پی کو معلوم تھا کہ لوگ اور غیر بی جے پی پارٹیاں ان انتخابات سے دور رہیں گی اور وہ جبراً ان اداروں پر قبضہ کر لیتے، تاہم سیاسی پارٹیوں کے ساتھ ساتھ لوگوں نے بھی بروقت اس بات کو سمجھا ہے۔

انھوں نے بتایا کہ پولنگ کے لیے صبح سات بجے ان دنوں گھروں سے نکلنا محال ہے اور اس لیے الیکشن کمیشن کو نو بجے سے چار بجے تک ٹائمنگ رکھنی چاہیے۔

ڈاکٹر ہربخش سنگھ جو کہ ترال سے ڈی ڈی سی انتخابات کے لیے پارٹی کے امیدوار ہیں نے عوام سے اپیل کی کہ وہ ان کے حق میں ووٹ ڈال کر انھیں خدمت کا موقع دیں۔