شوپیان: سرچ آپریشن کے دوران تین نوجوان گرفتار

جموں و کشمیر کے جنوبی ضلع شوپیاں میں فوج کی 44آرآر اور مقامی پولیس نے ہیف نامی علاقے میں تلاشی کارروائی کے دوران تین نوجوانوں کوگرفتار کیا ہے۔

اطلاعات کے مطابق سکیورٹی فورسز نے تلاشی مہم کے دوران تین نوجوانوں کو گرفتار کر لیا اور ان کے قبضے سے ایک پستول، ایک اے کے 47 اور ایک گرینیڈ برآمد بھی کر لیا ہے۔

ذرائع کے مطابق سکیورٹی فورسز نے ہیف گاؤں کو محاصرے میں لیا اور تلاشی کارروائی شروع کردی تھی جس دوران تین مشکوک نوجوانوں سے پوچھ گچھ کی گئی۔ اس دوران ان نوجوانوں نے زمین کے اندر چھپائے ہوئے اسلحہ کی خبر سکیورٹی فورسز کو دی۔

ذرائع نے تینوں نوجوانوں کی شناخت شاہد احمد بٹ ولد غلام محمد بٹ، ظہور احمد پڈر اور بلال احمد تیلی کے بطور کی ہیں۔