'حکومت 50 ہزار بے روزگار نوجوانوں کو مالی معاونت فراہم کرے گی'

لیفٹیننٹ گورنر نے بدھ کے روز ڈی ڈی سی چیئرپرسن، انتظامی سکریٹریوں اور ضلعی ترقیاتی کمشنرز کے ایک اعلیٰ سطحی اجلاس کے دوران اعلان کیا کہ 'بیک ٹو ولیج' مہم کے تحت اس سال انتظامیہ 50،000 بے روزگار نوجوانوں کو مالی معاونت فراہم کرنے کا منصوبہ رکھتی ہے۔

'بیک ٹو ولیج پہل' کے بعد جموں و کشمیر انتظامیہ مرکز کے زیر انتظام خطے میں 50،000 نوجوانوں کو مالی امداد فراہم کرنے کا منصوبہ بنا رہی ہے، جس کی تفصیلات کو جلد ہی حتمی شکل دی جائیں گی۔

جموں و کشمیر انتظامیہ کی طرف سے جاری کردہ ایک بیان کے مطابق لیفٹیننٹ گورنر منوج سنہا نے بیک ٹو ولیج (بی ٹو وی) پروگرام کے تیسرے مرحلے میں مختلف دیہات کے دوروں کے دوران نوجوانوں کو مالی طور پر آزاد بنانے کے لئے ترقیاتی عمل میں شامل کرنے کی ضرورت پر زور دیا۔

حکومت کے مطابق 'اپنے وژن کو آگے بڑھاتے ہوئے جموں و کشمیر بینک نے بھی نوجوانوں کی مالی معاونت کی ہے۔'

لیفٹیننٹ گورنر نے بدھ کے روز ڈی ڈی سی چیئرپرسن، انتظامی سکریٹریوں اور ضلعی ترقیاتی کمشنرز کے ایک اعلیٰ سطحی اجلاس کے دوران اعلان کیا کہ 'بیک ٹو ولیج' مہم کے تحت اس سال انتظامیہ 50،000 بے روزگار نوجوانوں کو مالی معاونت فراہم کرنے کا منصوبہ رکھتی ہے۔

اس کے علاوہ اجلاس میں بتایا گیا کہ ایس ایس بی نے مختلف محکموں میں بھرتیوں کے لئے 18،000 پوسٹوں کی تشہیر کی ہے، اور مزید پوسٹوں کی نشاندہی کی جارہی ہے۔

حکومت نے ایک اور اہم فیصلہ یہ لیا ہے کہ کسی بھی محکمے کے ذریعہ ٹینڈرنگ کے مناسب طریقہ کار پر عمل کیے بغیر کوئی کام نہیں لیا جائے گا۔