ضلع ڈوڈہ میں کووڈ19 کا کوئی بھی کیس نہیں

ضلع ڈوڈہ میں کووڈ19 کا تاحال ایک بھی کورونا مثبت ٹیسٹ نہیں آیا ہے ابھی تک ہزاروں کی تعداد میں قرنطینہ مدّت مکمل کرنے کے بعد لوگوں کو اپنے گھروں کی طرف بھیج دیا گیا ہے۔

انتظامیہ کورونا مخالف جنگ میں مکمل طور کمر بستہ ہے اور کوئی کسر باقی نہ چھوڑی جا رہی ہے جہاں سے اس مہلک وائرس کو ضلع میں داخل ہونے کا راستہ مل سکے ۔

ضلع ترقیاتی کمشنر ڈوڈہ ڈاکٹر ساغر ڈائفوڈ نے پیر کی صبح سب ڈویژن ٹھاٹھری میں بھی قرنطینہ سنٹروں میں رکھے گئے لوگوں کے نمونے جمع کرنے کے مرکز کا افتتاح کیا ۔

جہاں اب مقامی سطح پر قرنطین میں رکھے گئے لوگوں کے نمونہ لیے جائیں گے ۔اس سے قبل بھی ضلع انتظامیہ نے گندو میں کویڈ 19 کے نمونے جمع کرنے کا مرکز قائم کیا تھا جہاں ہر روز سینکڑوں کی تعداد میں قرنطین میں رکھے گئے لوگوں کے نمونے لیے جاتے ہیں ۔

ضلع ڈوڈہ سے ابھی تک جتنے بھی نمونے لیے گئے ہیں تمام کے نتائج منفی آئے ہیں۔