تاہم انہوں نے انتظامیہ پر زور دیا کہ پارٹی اسی صورت میں انتخابی مہم بہتر ڈھنگ سے چلا سکتی ہے جب نیشنل کانفرنس کے لیڈران اور کارکنان کو ایک بہتر ماحول فراہم کیا جاسکے اور تب ہی انتخابات میں امیدوار اور کارکنان آنے والے انتخابات میں اپنی مہم چلانے میں کامیاب ہونگے جب انتظامیہ ان کے خدشات کو دور کرسکے گی
نیشنل کانفرنس کے سکریٹری رتن لال گپتا کی جانب سے چیف الیکٹرول آفسر شیلندر کمار کے نام ایک مکتوب میں انہوں نے ان باتوں کا اظہار کیا ہے۔
انہوں نے کہا کہ پارٹی ملک کی جمہوریت میں یقین رکھتے ہوئے 5مارچ سے آٹھویں مرحلے کے پنچایتی انتخابات میں بھر پور طریقے سے حصہ لے گی۔
این سی کے سنٹرل سکریٹری نے مزید کہا ہے کہ اگرچہ پارٹی نے اس مرحلے میں تمام سیٹوں پر اپنے امیدوار کھڑا کرنے کا فیصلہ کیا ہے تاہم نشنل کانفرنس کے صدر فاروق عبدالللہ، نائب صدر عمر عبدالللہ اور جنرل سکریٹری علی محمد ساگر کے بغیر انتخابی مہم چلانے میں پارٹی کو کئی چلینجز کا بھی سامنا کرنا پڑسکتا ہے۔
واضح رہے پارٹی کے صدر، نائب صدر اور جنرل سکریٹری گزشتہ 6 ماہ کے زائد عرصے نظر بند ہیں ۔