کپواڑہ: ڈپٹی کمشنر نے ہسپتال کا دورہ کیا

ڈپٹی کمشنر کپواڑہ امام الدین نے ہفتے کے روز سب ڈسٹرکٹ ہسپتال لنگیٹ کا دورہ کر کے صورتحال کا جائزہ لیا اور افسران کو کورونا کے تعلق سے ضروری ہدایات دیں۔

ڈپٹی کمشنر کپواڑہ امام الدین نے ہفتے کے روز سب ڈسٹرکٹ ہسپتال لنگیٹ کا دورہ کر کے صورتحال کا جائزہ لیا۔

موقع پر ڈپٹی کمشنر کپواڑہ امام الدین نے کہا کہ کالج کو او پی ڈی کے لئے کھلا رکھا جائے گا۔ اس کے علاوہ مزید جگہوں کو ایس ڈی ایچ لنگیٹ میں COVID مریضوں کے لئے 50 بستر وقف کرنے کا فیصلہ کیا گیا ہے۔

انہوں نے صحت کے عہدیداروں سے ایک جائزہ میٹنگ کی۔ موقع پر ڈی ڈی سی چیئرمین عرفان پنڈت پوری، ڈی ڈی سی ممبر ماور خورشید احمد، ڈی ڈی سی ممبر ہندوارہ میر سلیمان اور دیگر عہدیدار موجود تھے۔

ڈپٹی کمشنر نے باکی چلڈارہ کا بھی دورہ کیا جہاں انہوں نے کئی عوامی شکایات سنیں اور جلد حل کرنے کی یقین دہانی کرائی۔