قصبے کو پلاسٹک وپالیتھین سے پاک کرنے اور سرسبز بنانے کے غرض سے میونسپل کمیٹی سمبل سوناواری کی جانب سے سمبل قصبہ میں پلاسٹک مخالف مہم کا آغاز کیا گیا جس کے تحت سمبل کالونی کے گردونواح میں صاف صفائی کی گئ -
پلاسٹک مخالف اس مہم میں تحصیلدار سوناواری، ایس ایچ و سمبل کے علاوہ چیرمین میونسپل کمیٹی سمبل ازخود موجود تھے اور عملہ کے ہمراہ انہوں نے صفائی مہم میں حصہ لیا-
اس دوران تحصیل ہیڈ کوارٹرس میں دفاتر کے باہر جمع کوڈے کرکٹ صاف کیا گیا اور لوگوں سے بھی صفائی کے حوالے سے اپنا تعاون پیش رکھنے کی تاکید کی گئ -
تحصیلدار سمبل سوناواری فردوس احمد قادری نے ای ٹی وی بھارت سے بات کرتے ہوئے کہا کہ' اس مہم کا مقصد سمبل سوناواری کے عوام کے اندر پلاسٹک اور پالیتھین کے استعمال کے خلاف بیداری پیدا کرنا اور صحت و صفائی کی اہمیت کو اجاگر کرنا ہے-'
انہوں نے عوام سے تاکید کی کہ وہ پلاسٹک یا پالیتھین کے بجائے کپڑے یا کاغذ سے بنے تھیلوں کا استعمال کریں اور اس طرح سے پورے قصبے کو پلاسٹک سے پاک کرنے میں اپنا کردار ادا کریں -