انتظامیہ کو لوگوں کے گھر تک پہنچانے کے دعووں کے بیچ جنوبی کشمیر کے ترال علاقے میں تحصیلدار کی عدم دستابی سے جہاں محکمہ مال کا کام متاثر ہو رہا ہے وہیں ڈومسائل اسناد بنانے والے امیدواروں کو بھی لاک ڈاون کے دوران زبردست مشکلات کا سامنا کرنا پڑرہا ہے۔
ترال: تحصیلدار کی کرسی ایک سال سے خالی
اطلاعات کے مطابق ترال اور آری پل تحصیلداروں میں گذشتہ ایک سال سے تحصیلداروں کی کرسیاں خالی ہیں جس کی وجہ سے عوام کو زبردست دقتوں کا سامنا ہے۔ حالانکہ انتظامیہ نے تحصیلدار اونتی پورہ کو ان دو تحصیل کا چارج دیا ہے لیکن لوگوں کے مطابق اسے کوئی فایدہ نہیں مل رہا ہے۔