Teenager Boy Attacked In Ganderbal گاندربل میں نامعلوم افراد کا نوجوان پر حملہ

ضلع گاندربل کے قمریہ پارک میں نامعلوم افراد کے حملے میں ایک نوجوان زخمی ہو گیا۔ اس واقعے کے بعد علاقے میں سنسنی پھیل گئی۔پولیس نے جائے وقوع پر پہنچ کر تفتیش شروع کردی ہے۔

گاندربل: مرکز کے زیر انتظام یوٹی جموں و کشمیر کے ضلع گاندربل کے قمریہ پارک میں نامعلوم افراد کے حملے میں ایک نوجوان زخمی ہو گیا۔اس واقعے کے بعد علاقے میں سنسنی پھیل گئی۔پولیس نے جائے وقوع پر پہنچ کر تفتیش شروع کردی ہے۔اس معاملے میں اب تک کسی کی گرفتاری عمل میں نہیں آئی ہے۔ ذرائع نے بتایا کہ وسطی کشمیر کے گاندربل ضلع کے قمریہ پارک میں نامعلوم افراد نے ایک دوسرے کے ساتھ گرما گرم بحث کے بعد ایک نوجان لڑکے پر ڈرائنگ کینچی سے حملہ کر دیا۔اس حملے میں لڑکا زخمی ہوگیا۔ ان کا کہنا تھا کہ واقعے کے فوراً بعد مقامی لوگ پولیس کے ساتھ موقع پر پہنچے اور اسے علاج کے لیے قریبی ہسپتال میں داخل کرایا جہاں اس کی حالت اب مستحکم بتائی جاتی ہے۔دریں اثنا، پولیس نے واقعے کا نوٹس لے لیا ہے، اور مزید تحقیقات جاری ہے۔

مقامی باشندوں نے کہاکہ پولیس کو اس معاملے کو سنجیدگی سے لینے کی ضرورت ہے۔ پولیس کو اس معاملے میں ملوث افراد کو جلد سے جلد گرفتار کرنی چاہئے۔اس معاملے میں ملوث افراد کی گرفتاری سے جرائم کی وارداتوں پر قابو پانے میں مدد ملے گی۔پولیس کا کہنا ہے کہ پورے معاملے کی تفتیش کی جا رہی ہے۔اس معاملے میں ملوث افراد کی جلد گرفتاری ہو گی۔