جموں: مستقل ملازمت کے لیے اساتذہ کا احتجاج جاری

جموں ڈوگرہ چوک پر اساتذہ مستقل ملازمت دینے کے لیے گزشتہ تین برسوں سے احتجاج کررہے ہیں لیکن انتظامیہ کی طرف سے توجہ نہیں دیے جانے پر ان میں سخت ناراضگی ہے۔

گزشتہ روز احتجاج کے دوران اساتذہ نے انتظامیہ کے خلاف نعرے بازی کی اور سڑک بند کرنے کی کوشش کی لیکن پولیس نے انہیں سڑک پر جانے سے روک دیا۔

اساتذہ نے کہا کہ 'ہم نے لیفٹیننٹ گورنر سے اپیل کی ہے لیکن آج تک ہماری بات پر توجہ نہیں دی گئی ہے۔'

واضح رہے کہ یہ اساتذہ خود کو مستقل ملازمت پر رکھنے کا مطالبہ کر رہے ہیں اور وہ 3 برس سے زیادہ عرصے سے ہڑتال پر ہیں لیکن آج تک نہ تو سابقہ حکومت نے ان کا مطالبہ پورا کیا اور نہ ہی اب ان کے مطالبات جموں و کشمیر میں سنے جارہے ہیں۔