لاک ڈاؤن: ڈرائیورز نے خصوصی پیکیچ کا مطالبہ کیا

ڈرائیورز کا کہنا ہے کہ کورونا وائرس کے پیش نظر جاری لاک ڈاؤن کے سبب وہ کافی مشکلات سے دو چار ہو رہے ہیں۔

شمالی کشمیر کے ضلع کپوارہ میں مختلف سومو اسٹینڈ کے پریزڈنٹز اور ڈرایئورز نے اپنے مطالبات کو لے کر انتظامیہ کے خلاف خاموش احتجاجی دھرنا دیا۔

انہوں نے انتظامیہ سے اپیل کی ہے کہ ان کی طرف بھی دھیان دیا جائے۔ احتجاجیوں نے کہا کہ لاک ڈاؤن کے دوران ان کو کافی مشکلات کا سامنا کرنا پڑ رہا ہے جبکہ گزشتہ 9 ماہ سے ان کی گاڑیاں بے کار پڑی ہوئی ہیں۔ اکثر گاڑیوں کو بینک کا قرضہ ہے جس کے باعث دن بہ دن ان کے قرض میں اضافہ ہوتا جارہا ہے۔

آخر پر انہوں نے مطالبہ کیا ہے کہ ان کی راحت رسانی کیلئے خصوصی پیکیچ کا اعلان کیا جائے تاکہ اس سے وابستہ ہزاروں خاندان بھی راحت کی سانس لے سکے۔