درجہ چہارم کی اسامیوں کے لیے لاکھوں درخواستیں موصول

ایس ایس بی کی درجہ چہارم اسامیوں کے لیے 4 لاکھ 66 ہزار 7سو60 امیدواروں نے بورڈ کے آن لائن پورٹل پر رجسٹریشن کی جبکہ 2 لاکھ 43 ہزار ایک سو 60 امیدواروں نے درجہ چہارم کی اسامیوں کے لئے آن لائن اپنی درخواست جے کے ایس ایس بی سبمٹ کی ہیں ۔

ان آسامیوں کو پُر کرنے کے لیے آن لائن درخواستیں جمع کروانے کا یہ سلسلہ گزشتہ ماہ کی 10 تاریخ سے جاری ہے۔

ادھر اکاؤنٹس اسسٹنٹ کی اسامیوں کے لیے اب تک 67 ہزار7 سو 30 درخواستیں آن لائن جمع کی گئی ہیں۔

جموں وکشمیر سروس سلیکشن بورڈ نے درجہ چہارم کی اسامیوں کو پُر کرنے کی غرض سے خصوصی بھرتی مہم کے قواعد 2020 کے تحت مختلف محکموں میں ضلع صوبائی یوٹی کیڈر کے لیے 8ہزار 5سو 75 درجہ چہارم کی اسامیوں کے لیے نوٹفیکیشن نمبر 1 ایف 2020 جون 26 کو مشتہر کی ہے۔

ایس ایس بی بورڈ نے سرینگر اور جموں میں دو ہیلپ لائن نمبرز امیداواروں کی سہولیت کے لیے شروع کی ہیں اور اگر کسی امیدواروں کو اپنی درخواست جمع کروانے میں کوئی تکنیکی دشواری آتی ہے تو وہ اس ضمن میں مزید معلومات اور رہنمائی کے لیے بورڈ کی ویب سائٹ پر ssbjkgrievance@gmail.com رابطہ قائم کر سکتا ہے۔