سرینگر: پولیس کاروائی میں 6 قمار باز گرفتار

سرینگر پولیس نے منشیات و قمار بازی کے خلاف اپنی کاروائیوں میں شدت پیدا کردی ہے۔ گزشتہ روز 6 قمار بازوں کو گرفتار کرکے ان کے قبضے سے 46 ہزار 790 روپئے برآمد کئے۔

پولیس تھانہ کرن نگر نے ایک مصدقہ اطلاع پر زانپہ کدل سرینگر میں واقع پیٹرول پمپ کے قریب ایک ٹھکانے پر چھاپہ مارا اور 6 قمار بازوں کو گرفتار کرلیا جبکہ وہاں سے بھاری رقم ضبط کی گئی۔ گرفتار شدہ افراد کی شناخت بٹہ محلہ کے مشتاق احمد شاہ، وانٹ پورہ ملپورہ کے فاروق احمد، سازگری پورہ کے رہنے والے اعجاز احمد خان، وانی یار نورباغ کے رستم خان سعدہ پورہ کے محمد مظفر بیگ اور معراج الدین کے طور پر کی گئی۔

اس سلسلے میں پولیس تھانہ کرن نگر میں ایک مقدمہ درج کیا گیا جبکہ مزید تحقیقات جاری ہے۔ پولیس سماجی برائیوں کے خاتمہ کےلیے اپنی کاروائیوں میں سرعت لارہی ہے۔