Zaingair Sports carnival زنگیر میں اسپورٹس فیسٹول کا انعقاد

اسپورٹس ایسوسی ایشن کی جانب سے آج زنگیر اسپورٹس کارنیوال کا اہتمام کیا گیا۔ اس میں کشمیر کے مختلف اضلاع سے تعلق رکھنے والے نوجوان لڑکے اورلڑکیوں نے جوش و خروش کے ساتھ حصہ لیا۔

بارہمولہ:مرکز کے زیر انتظام یوٹی جموں و کشمیر میں نوجوانوں کو کھیل کود کی سرگرمیوں کی جانب متوبہ کرانے کے مقصد سے اسپورٹس فیسٹول کے انعقاد کا سلسلہ جاری ہے۔ اس سلسلے میں اسپورٹس ایسوسی ایشن کی جانب سے آج زنگیر اسپورٹس کارنئول کا اہتمام کیا گیا۔ اس میں کشمیر کے مختلف اضلاع سے تعلق رکھنے والے نوجوان لڑکے اورلڑکیوں نے جوش و خروش کے ساتھ حصہ لیا۔

دراصل زنگیر سپورٹس کارنئول گزشتہ چند سالوں سے لگاتار ہو رہا ہے۔اس میں وادی کے مختلف اضلاع سے بچے شمولیت کرتے ہیں۔ اس میں Volleyball, Kabaddi, Kho Kho کے ساتھ ساتھ دیگر کھیل کود کی سرگرمیاں انجام دی جاتی ہیں۔ اس موقعے پر زنگیر اسپورٹس کارنیول کے صدر فرفان بٹ نے کہا کہ ہم نے آج اس ٹورنامنٹ کا افتتاح کیا۔ اس کا مقصد ہے کہ بچے کھیل کود میں شرکت کریں۔ ہماری ایسوسیشن نوجوانوں کے لیے کام کرتی ہے۔

انہوں نے کہا کہ ہم نے دیکھا کہ اکثر و بیشتر نوجوان کرکٹ کے ساتھ وابستہ ہیں۔ ہم نے یہ سوچا کہ کیوں نہ دیگر کھیلوں کو اس ٹورنامنٹ میں لاکر بچوں کو ایک پلیٹ فارم فراہم کریں اور اس میں وہ اپنی صلاحیت کا مظاہرہ کریں۔ اس سے ان کا مستقبل بھی سنور سکتا ہے۔