کورونا وائرس: 'ہر سرکاری حکمنامے پر عمل کیا جائے'

جموں و کشمیر بی جے پی کے نائب صدر صوفی یوسف نے عوام سے اپیل کرتے ہوئے کہا کہ وہ کورونا وائرس کو لے کر نہ گھبرائیں۔

صوفی یوسف نے کہا کہ انتظامیہ کورونا وائرس کے پھیلاؤ کو روکنے کے لئے ہر ممکن اقدامات اٹھا رہی ہے۔

انہوں نے عوام سے گزارش کی کہ وہ کورونا وائرس کے بڑھتے پھیلاؤ کے پیش نظر اٹھائے گئے اقدامات کو لے کر ضلع انتظامیہ کو ہر ممکن تعاون فراہم کریں تاکہ عوام کو اس خطرناک وائرس سے محفوظ رکھا جا سکے ۔

صوفی نے لوگوں پر زور دیا کہ وہ طبی انتظامیہ کی جانب سے جاری کئے گئے احتیاطی تدابیر اختیار کریں اور کورونا وائرس کے تناظر میں حکومت کے ہر حکمنامے پر عمل کریں۔

صوفی نے ان باتوں کا اظہار ضلع اننت ناگ کے کھنہ بل ڈاک بنگلو میں کورونا وائرس کے تناظر میں بلائی گئی ایک پریس میں کی۔