اس سلسلے میں آج اونتی پورہ پولیس نے ریشی پورہ علاقے میں 35 کنال اراضی پر پھیلی بھنگ کی فصل کو تباہ کر دیا جبکہ اس کاشت میں ملوث چھ افراد کو گرفتار کر کے ان کے خلاف کاروائی کی گئی ہے۔
بھنگ کی کاشت کرنے پر چھ گرفتار گرفتار افراد کی شناخت محمد امین وانی، غلام حسن میر، طارق احمد میر، رفیق احمد شیخ، مشتاق احمد میر اور ارشاد احمد وانی ساکنہ کاونی اونتی پورہ کے بطور ہوئی ہے۔
ادھر ترال پولیس نے بھی آج امیرآباد اور نئی بگ نامی دیہات میں کئ کنال اراضی پر پھیلی خشخاش کی فصل کو تباہ کر دیا۔
ایس ڈی پی او ترال ڈاکٹر اعجاز ملک نے میڈیا کو بتایا کہ غیر قانونی طور پر کاشت کی جا رہی فصل کی کاشت کر رہے زمینداروں کو ازخود خشخاش کی فصل کو تباہ کرنے کی اپیل کی گئ تھی۔
تاہم انھوں نے اس بارے میں لیا ولعل کا مظاہرہ کیا جسکے بعد آج پولیس نے از خود اس حوالے سے کاروائی کرنے کا فیصلہ کیا ہے۔
