پارٹی میٹنگ منسوخ ہونے کے بعد پی ڈی پی دفتر جموں میں خاموشی

گزشتہ برس پانچ اگست کو بی جے پی حکومت کی جانب سے دفعہ 370 کو منسوخ اور جموں و کشمیر کو دو یونین ٹریٹریزمیں منقسم کرنے کے بعد پی ڈی پی نے جمعرات کو پارٹی صدر دفتر میں اعلیٰ سطحی میٹنگ طلب کی تھی لیکن یہ تقریب منعقد نہ ہو سکی۔

پارٹی کے ترجمان کے مطابق نظر بند رہنماؤں کو انتظامیہ کی طرف سے پارٹی میٹنگ میں جانے کی اجازت نہیں دی گئی جس وجہ سے پارٹی میٹنگ کو منسوخ کرنا پڑا۔

پی ڈی پی کے سینئر رہنما غلام نبی لون، نعیم اختر اور سابق رکن اسمبلی اعجاز میر کو پارٹی میٹنگ میں جانے کی اجازت نہیں دی گئی جس کے بعد جموں کے گاندھی نگر کے پی ڈی پی دفتر میں خاموشی چھائی ہوئی ہیں۔

بتادیں کہ دفعہ 35اے اور 370کی منسوخی کے بعد پی ڈی پی کی یہ پہلی سیاسی سرگرمیوں کے طور پر میٹنگ تھی۔