ترال میں پینے کے پانی کی قلت

ٹاؤن ترال کے کار محلہ اور بنہ محلہ کے لوگوں کا الزام ہے کہ 'گرمیوں کے دنوں میں انہیں پانی کی قلت کی وجہ سے زبردست پریشانیوں کا سامنا کرنا پڑتا ہے۔'

جنوبی کشمیر کے سب ڈسٹرکٹ ترال میں گرمی بڑھنے کے ساتھ ہی پینے کے پانی کی قلت سے لوگ زبردست پریشانیوں میں مبتلا ہو گیے ہیں۔

گزشتہ دنوں دھوبی ون بستی کے لوگوں نے محکمہ جل شکتی کے خلاف جم کر احتجاج کیا تھا۔

وہیں مین ٹاؤن ترال کے کار محلہ اور بنہ محلہ کے لوگوں کا الزام ہے کہ 'گرمیوں کے دنوں میں انہیں پانی کی قلت کی وجہ سے زبردست پریشانیوں کا سامنا کرنا پڑتا ہے۔'

مقامی لوگوں نے الزام لگایا کہ 'وہ مقامی دفتر میں اپنی شکایات کو لے کر گئے لیکن وہاں ملازمین غیر حاضر ہوتے ہیں۔'

انہوں نے مزید کہا کہ 'ترال ٹاؤن میں پینے کے پانی کے لئے کروڑوں روپے مالیت کی سکیم بنائی گئی تھی لیکن اسکیم کا کوئی فائدہ نہیں ہوا۔'

مقامی لوگوں نے مطالبہ کیا ہے کہ 'جل شکتی کے غیر حاضر ملازمین کے خلاف کاروائی کی جائے۔'