لاک ڈاؤن: مہنگے داموں میں چیزین فروخت کرنے پر دکاندار گرفتار

شمالی کشمیر کے ہندوارہ قصبے کے ماگام علاقے میں پولیس نے ایک دکاندار کو مہنگے داموں میں ضروری اشیاء فروخت کرنے کے الزام میں گرفتار کیا ہے۔

اطلاعات کے مطابق ماگام علاقے میں فیاض احمد بٹ والد محمد سلطان بٹ نامی ایک دکاندارموجودہ حالات کا ناجائزہ فائدہ اٹھاکر علاقے کے لوگوں کو غیر معمولی قیمتوں میں ضروری اشیا فروخت کر رہا تھا۔

مقامی لوگوں نے اس حوالے سے ماگام پولیس کو شکایت کی کہ مذکورہ دکاندار لاک ڈاؤن کی وجہ سے پیدا شدہ صورتحال کا ناجائز فائدہ اٹھا کر لوگوں کو مہنگے قیمتوں میں ضرری چیزیں فروخت کررہا ہے۔

پولیس نے لوگوں کی اس شکایت پر فوری کارروئی کرتے ہوئے دکاندار کی گرفتاری عمل میں لائی اوردوکاندار کے خلاف ایف آئی آر بھی درج کر لیا۔ علاقے کے عوام نے ہنڈواڑہ پولیس کی بروقت کارروائی کی تعریف کی ہے۔