شمالی کشمیر کے ضلع بانڈی پورہ کے لائن ااف کنٹرول پر آج صبح بھارت وپاکستانی فوج کے درمیان گولیوں کا تبادلہ ہوا۔ تاہم اس میں کسی کے ہلاک ہونے کی اطلاع نہیں ہے۔
پولیس ذرائع نے بتایا کہ گریز کے بگٹورعلاقے میں تاربل گاؤں کے نزدیک بھارت کے درمت پوسٹ اور پاکستان کے لوسار پوسٹ سے جمعہ کی صبح قریب سوا گیارہ بجے گولہ باری شروع ہوئی۔ انہوں نے کہا کہ ماہ رواں کے دوران طرفین کے درمیان گولہ باری کے تبادلے کا یہ چوتھا واقعہ ہے۔
پولیس اور فوج نے اسی علاقے میں 14 ستمبر کو جنگجوؤں کی طرف سے در اندازی کی ایک کوشش کو ناکام بنا کر اسلحہ و گولہ بارود برآمد کرنے کا دعویٰ کیا تھا۔