پہلگام سے سات افراد کورونا کے شکار

جموں و کشمیر کے ضلع اننت ناگ کے پہلگام علاقے میں آج چھ گاؤں کو ضلع انتظامیہ نے ریڈ زون علاقہ قرار دے دیا جن میں سات مثبت کیسز سامنے آئے ہیں۔

ضلع انتظامیہ نے اتوار کے روز جنوبی کشمیر کے پہلگام کے چھ علاقوں کو ’ریڈ زون‘ قرار دے دیا ہے۔ ان علاقوں میں کل کورونا وائرس کے مثبت سات کیسز سامنے آئے۔

اطلاعات کے مطابق کل اننت ناگ میں رپورٹ ہونے والے سات مثبت واقعات سامنے آئے ہے اور ان سب کا تعلق پہلگام حلقے سے ہے جس میں عیشمقام پہلگام سے 2 ، تولہارڑ سے 1، لری پورہ پہلگام سے 1 اور سلیگام پہلگام سے 3 پائے گئے ہیں۔

مذکورہ کیسز میں 5 حاملہ خواتین سمیت 7 افراد کا ٹیسٹ مثبت پایا گیا۔

بتایا جارہا ہے کہ ان کے نمونے چند روز قبل لئے گئے تھے اور کل وہ مثبت پائے گئے۔

وہی انتظامیہ نے جمعہ کے روز کھانڈے پورہ اور گوجرن بٹکوٹ کو بفر زون قرار دیا تھا ۔ ان علاقوں میں لوگوں اور گاڑیوں کی اندرونی اور بیرونی نقل و حرکت بھی محدود کردی گئی تھی۔