بزرگوں کے ساتھ رحمدلی سے پیش آنے کی تلقین

گورنمنٹ ہائر سیکنڈری اسکول دمحال ہانجی پورہ اور لیگل سروسز کولگام نے مشترکہ طور پر 'بزرگوں کی عزت' کے عنوان سے یک روزہ سیمینار کا انعقاد کیا۔

سیمینار میں طلبا کو بزرگوں کے ساتھ رحمدلی کے ساتھ پیش آنے کی تلقین کی گئی۔

سیمینار میں موجود تمام مقررین اور طلبا نے بزرگوں کی عزت و احترام کے حوالے سے اپنے خیالات پیش کیے۔

سیمینار کا مقصد تھا کہ سماج کے اندر ایک بیداری مہم چلائی جائے تاکہ ان کے عمر رسیدہ افراد کے ساتھ بداخلاقی کے واقعات پر قدغن لگایا جاسکے۔

سیمینار میں اسکولی طلبا، اساتذہ اور وکلا نے شرکت کی۔

وکلا نے بھی بزرگوں کے ساتھ عزت سے پیش آنے پر زور دیا اور کہا کہ وہ عمر رسیدہ اشخاص کے لیے مفت قانونی مدد کر نے کے لیے تیار ہیں۔