Secretary Agriculture Production رینبو ٹراؤٹ کے بہتر بیج کی تقسیم کا افتتاح

ضلع اننت ناگ کے حلقہ انتخاب کوکرناگ میں قائم ایشا کے سب سے بڑے فش فارم میں ایک تقریب کا انعقاد کیا گیا، جس میں سیکرٹری اگریکلچر پروڈکشن ڈیپارٹمنٹ اور فشریز شبنم کاملی نے مختلف اسکیموں کا رسمی طور افتتاح کیا۔

اننت ناگ:مرکز کے زیر انتظام یوٹی جموں و کشمیر کے اننت ناگ کے کوکرناگ میں قائم ایشیا کے سب سے بڑے فش فارم میں ایک تقریب کا انعقاد کیا گیا۔ اس موقع پر ان کے ہمراہ ڈائریکٹر فشریز محمد فاروق، جوائنٹ ڈائریکٹر عبدالمجید ٹاک ڈپٹی ڈائریکٹر محمد صدیق اور دیگر افسران موجود تھے۔ تقریب کے دوران ماہیگیری شعبہ سے تعلق رکھنے والے لوگوں کو مختلف قسم کی اسکیموں کے متعلق جانکاری فراہم کی گئی جبکہ ٹرینگ سینٹر میں تربیت حاصل کرنے والے ٹرینیز کو اعزاز سے نوازا گیا۔

اس موقعہ پر سیکرٹری اگریکلچر پروڈکشن اور فشریز شبنم کاملی نے کہا کہ جموں و کشمیر میں انتظامیہ کی جانب سے ہالسٹک ڈیولپمنٹ آف اگریکلچر جیسی اسکیم مولس وجود میں لائی گئی ہے جس میں انتیس پروحیکٹوں کو منظوری دی گئی ہے۔ جس کے لئے ہر پنچایت میں لوگوں کو جانکاری دی جا رہی ہے تاکہ وہ اس سے مستفید ہو سکے۔ اس موقع پر سیکرٹری نے لوگوں پر زور دیتے ہوئے کہا کہ اس وقت فشریز معاشی اور ایک اچھے تجارت کے طور پر ابھر رہا ہے لہذاوادی کے نوجوانوں کو چاہیے کہ وہ آگے آئیں اور سرکار کی مختلف اسکیموں کا فائدہ اٹھائیں تاکہ بےروزگاری کی شرح پر قابو پایا جا سکے۔

میڈیا سے بات کرتے ہوئے سیکرٹری نے کہا کہ حکومت کی جانب سے ایک بہت بڑا پلان مرتب دیا گیا ہے، ایگریکلچر پروڈکشن ڈیپارٹمنٹ کو وسعت دینے اور اس میں بہتری لانے کے حوالے سے ایک منصوبہ بنایا گیا ہے، اور یہی وجہ ہے کہ ہم لوگوں کو ان سب چیزوں سے جانکاری فراہم کر رہے ہیں،