سمبل کے عارضی ملازمین کا خاموش احتجاج

میکنیکل ارگیشن سب ڈیویژن سمبل کے عارضی ملازمین نے تحصیل ہیڈکوارٹر سمبل میں خاموش احتجاج کرتے ہوئے جموں و کشمیر انتظامیہ سے مطالبہ کیا کہ عید سے پہلے ان کی تنخواہیں واگذار کی جائے-

احتجاج کے دوران ان ملازمین نے بتایا کہ نامساعد حالات کے پیش نظر بھی وہ تنخواہوں سے محروم ہیں جس کی وجہ سے ان کی حالت ناگفتہ بہہ ہے۔ تنخواہوں سے محروم ان ملازمین کا کہنا ہے کہ عید کے موقعہ پر وہ اِس انتظار میں ہیں کہ ان کی تنخواہیں واگزار کی جائیں گی اور وہ بھی عید کی تھوری خوشیوں میں شامل ہونگے۔

ان عارضی ملازمین کا مزید کہنا ہے کہ لاک ڈاون نے دیگر لوگوں کی طرح ان کو پر یشان کر دیا ہے اور اب تنخواہیں واگذار نہ ہونے کی وجہ سے مسائل میں مزید اضافہ ہوگیا ہے۔

ان کا کہنا ہے کہ اگر چہ یہ معاملہ کئی بارحکام کی نوٹس میں لایا گیا تاہم کوئی دادرسی نہیں کی گئی انہوں نے کہا کہ اگر چہ ماہ اپریل سے محکمہ کے تمام ملازمین کی تنخواہیں واگذار کی گئے لیکن صرف ان کی تنخواہ روک دی گئی ہے۔