سوپور میں تلاشی مہم شروع

شمالی کشمیر کے ضلع بارہمولہ کے سوپور قصبہ کے آرم پورہ گاؤں میں فورسز کی جانب سے تلاشی کارروائی شروع کی گئی۔

اطلاعات کے مطابق علاقے میں عسکریت پسندوں کی موجودگی کی اطلاع موصول ہوئی تھی جس کے بعد سیکورٹی فورسز نے علاقے کو محاصرے میں لے کر تلاشی مہم شروع کی۔

سوپور میں تلاشی مہم شروع

علاقے سے ابھی تک کسی فائرنگ یا دھماکے کی آواز سنی نہیں گئی۔

مقامی لوگوں نے بتایا کہ سیکیورٹی فورسز نے اچانک گاؤں کا محاصرہ کیا اور کسی بھی شخص کو گاؤں کے اندر جانے یا باہر نکلنے کی اجازت نہیں دی جارہی ہے۔

علاقے میں لاک ڈاؤن کی وجہ سے پہلے ہی لوگوں کی نقل و حرکت محدود ہوگئی ہے۔

وادی کشمیر میں گزشتہ دو دنوں کے دوران دو مسلح تصادموں میں کم از کم 5 بھارتی فوجی اور 9 عسکریت پسند ہلاک ہوگئے۔

یہ تصادم سرحدی ضلع کپوارہ اور جنوبی ضلع کولگام میں ہوئے۔

آخری اطلاعات ملنے تک گھر گھر تلاشی جاری تھی۔