بھارت سکاؤٹز اینڈ گائیڈز کا دو روزہ کیمپ

ریاست جموں و کشمیر کے ضلع شوپیان پادپاون علاقے میں بھارت سکاؤٹز اینڈ گائیڈز کی طرف سے دو روزہ تربیتی کیمپ کا انعقاد کیا گیا۔

کیمپ کا انعقاد ڈپٹی کمشنر شوپیان نے کیا جن کے ہمراہ ایڈیشنل ڈپٹی کمشنر شوپیان تھے۔اس تربیتی کیمپ میں امام صاحب زون کے کئی اسکولوں کے طلباء نے شرکت کی۔

اس کیمپ میں بھارت سکاؤٹز اینڈ گائیڈز کے ماہرین نے طلباء کو کسی بھی ناگوار آفت سے بچنے کے طریقے سکھائے اور اچھے اخلاق اپنے آپ میں پیدا کیسے کریں وہ باتیں بھی بتائیں۔

اس دوران منشیات سے ہورہی تباہی کے بارے میں بھی جانکاری دی گئی جن سے بچوں کو دور رہنے کو کہا گیا۔

اس موقع پر ڈپٹی کمشنر شوپیان نے بتایا کہ اس طرح کے کیمپ انعقاد کرنے سے شرکاء میں آپسی بھائی چارہ اور معاشرے میں ترقی دیکھنے کو ملے گی۔

انہوں نے کہا کہ اس طرح کے پروگرام کی معاشرے میں ضرورت ہے تاکہ نوجوان طبقہ ایک بہترین شہری کا کردار ادا کر سکیں۔

اس کمیپ میں اسکولی طلباء نے کئی رنگا رنگ پروگرام بھی پیش کئے۔