ڈگری کالج ڈوڈہ میں شعبہ زولوجی کی طرف سے قومی یومِ سائنس منایا گیا۔ سائنس ٹکنالوجی اینڈ انوویشن کونسل، شعبہ سائنس و ٹکنالوجی، حکومت جموں و کشمیر کے تعاون والی یہ تقریب پرنسپل ڈاکٹر شفقت حسین رفیقی کی صدارت میں منعقد ہوئی۔
شعبہ زولوجی کے پروفیسر ڈاکٹر اعجاز احمد وانی کے افتتاحی کلمات سے تقریب شروع ہوئی۔ گورنمنٹ ڈگری کالج ڈوڈہ کے پرنسپل شفقت رفیقی نے اس موقع پر سائنس میں عورت کے کردار پر تفصیلی روشنی ڈالی۔
انہوں نے طلباء خصوصاً خواتین امیدواروں کو سائنس کے میدان میں فعال شراکت دار بننے کی ترغیب دی۔ انہوں نے شعبہ زولوجی کی طرف سے اس طرز کے شاندار پروگرام منعقد کرنے کے اقدام کی سراہنا کی۔
تقریب میں موجودہ دور میں سائنس اور ٹکنالوجی کے شعبے میں 'عورت: بطور ایک کاروباری عورت' کے عنوان سے سمپوزیم کا اہتمام کیا گیا۔ سمپوزیم میں طلباء نے شرکت کی اور سائنس میں بطور کاروباری خاتون کے کردار کو اجاگر کیا۔
سمپوم کے بعد ایک مختصر اسکٹ / پلے بھی اس پروگرام کا حصہ تھا۔ سمپوزیم میں بہتر کارکردگی کا مظاہرہ کرنے والے طلباء میں انعام اور سرٹیفکیٹ کی تقسیم عمل میں لائی گئی۔