پکنگ کے دوران طالب علم ندی میں ڈوب کر ہلاک
گاندربل: مرکز کے زیر انتظام یوٹی جموں و کشمیر کے ضلع گاندربل کے سونمرگ میں پکنک کے دوران سندھ نالہ میں ڈوبنے سے اسکول کے ایک طالب علم کی موت یوگئی۔ اس واقعے کے بعد علاقے میں سنسنی پھیل گئی۔ مقامی تھانے کی پولیس نے جائے وقوع پر پہنچ کرتفتیش شروع کردی۔
ذرائع کے مطابق وسطی کشمیر کے گاندربل ضلع کے سونمرگ علاقے میں ہفتہ کو پکنک پر جانے والے بارہمولہ کے اسکول کے ایک طالب علم نالہ سندھ میں ڈوب کر ہلاک ہوگیا۔ پولیس کے ایک اہلکار نے بتایا کہ پبلک اسکول بارہمولہ کا ایک طالب علم جو اسکول کے ساتھ پکنک منانے گیا تھا، نہاتے کے دوران نالہ سندھ میں ڈوب گیا۔