اننت ناگ: سیکورٹی فورسز کی جانب سے سڈورہ علاقے کا محاصرہ

اننت ناگ کے سڈورہ علاقہ میں عسکریت پسندوں کے چھپے ہونے کی اطلاع پر سیکورٹی فورسز نے علاقے کا محاصرہ کرکے تلاشی مہم شروع کی ہے۔

جموں و کشمیر کے ضلع اننت ناگ کے سڈورہ علاقہ میں سکیورٹی فورسز کی جانب سے تلاشی مہم شروع کی گئی ہے۔

ذرائع کے مطابق سکیورٹی فورسز کو مذکورہ علاقہ میں چند عسکریت پسندوں کے چھپے ہونے کی اطلاع موصول ہوئی تھی جس کے بعد فوج کی 19 راشٹریہ رائفلز، اننت ناگ پولیس اور سی آر پی ایف کے جوانوں نے مشترکہ طور پر سڈورہ علاقے کا محاصرہ کرکے سبھی گھروں کی تلاشی شروع کر دی ہے۔

تلاشی کارروائی کے دوران اب تک سکیورٹی فورسز اور عسکریت پسندوں کا آمنا سامنا نہیں ہوا ہے حالانکہ فوج نے علاقہ کے داخلی و خارجی دونوں راستوں پر سیکیورٹی فورسز تعینات کیے ہیں۔