حکمنامے کے تحت ضلع اننت ناگ کے ان تمام لوگوں جن کی اراضی پر مادہ روسی سفیدے کے درخت موجود ہیں ایک ہفتہ کے اندر اندر کاٹنے کا حکم دیا گیا ہے۔
حکمنامے کی خلاف ورزی کرنے والے افراد کے خلاف سخت کارروائی عمل میں لائی جائے گی ۔
واضح رہے کہ موسم بہار آتے ہی مادہ روسی سفیدے کے درختوں سے روئی نکلتی ہے جو فضا میں اڑ جاتی ہے اور سانس لینے کے دوران لوگوں کے ناک اور مونہ کے اندر داخل ہو جاتی ہے، جس دوران یہ مختلف اقسام کے انفیکشن کے پھیلاؤ کا سبب بن جاتا ہے۔
لہذا یہ نہ صرف فضائی آلودگی پیدا کرتا ہے بلکہ وائرس کو ایک جگہ سے دوسری جگہ منتقل کرنے کا ایک ذریعہ بھی ہے۔ اس عمل سے کورونا وائرس کے پھیلاؤ کے خدشات کو بھی نظر انداز نہیں کیا جا سکتا۔
اس سے قبل بھی حکومت کی جانب سے کئ بار حکمنامے جاری کئے گئے ہیں جس دوران ہزاروں کی تعداد میں سفیدے کے درختوں کا صفایا کیا گیا۔
اس سلسلہ میں ضلع کے تمام تحصیلداروں کو محکمہ جنگلات اور پولیس کی مدد سے حکمنامے کو فوری طور عملانے کو کہا گیا اور روزانہ کی بنیاد پر رپورٹ پیش کرنے ہدایت دی گئی ہے۔
