کولگام: سڑک کی تعمیر کا کام سست رفتار سے جاری

بھارت کے زیر انتظام جموں و کشمیر کے ضلع کولگام کے کنڈ علاقے میں سڑک کی تعمیر کا کام جاری ہے۔

کولگام کے مقامی لوگوں کے مطابق کنڈ علاقہ میں سڑک کی تعمیر کام سست رفتار سے جاری ہے۔

اس لیےمقامی لوگوں میں متعلقہ حکام کے تئیں ناراضگی پائی جارہی ہے۔

پی ایم جی ایس وائی محکمہ نے علاقہ میں دو سال قبل سڑک تعمیر کرنے کا کام شروع کیا تھا۔

تاہم دو سال گزرنے کے بعد بھی سڑک پر کام مکمل نہیں ہو پایا ہے۔

جس کے باعث سڑک پر جگہ جگہ گہرے گڈھے بن گئے ہیں۔

یہاں نقل و حمل میں سخت مشکلات پیش آرہی ہیں۔

مقامی لوگوں نے متعلقہ محکمہ کے خلاف برہمی کا اظہار کرتے ہوئے کہا کہ سڑک تعمیر کے دوران قواعد و ضوابط کو بالائی طاق رکھا گیا ہے۔

انہوں نے پی ایم جی ایس وائی محکمہ کے چیف انجینئر سے مداخلت کی اپیل کی ہے۔

اسسٹنٹ ایگزیکٹو آفیسر ارشد احمد کا کہنا ہے کہ سڑک کی کشادگی مکمل ہو گئی ہے۔