جموں و کشمیر: ریاست کا درجہ بحال کرنے کے حق میں احتجاج

یوتھ کانگریس کے کارکنوں نے مرکز میں برسر اقتدار بی جے پی حکومت کے خلاف نعرے بازی کرتے ہوئے ریاست کا درجہ واپس کرنے کے حق میں احتجاج کیا۔

مرکز کے زیر انتظام جموں و کشمیر کے صوبہ جموں میں آج یوتھ کانگریس کے کارکنوں نے یوتھ صدر ادیو سنگھ چب کی قیادت میں ریاست کا درجہ ختم کرنے کے خلاف احتجاج کیا۔

ادیو سنگھ چب نے ذرائع ابلاغ کے نمائندوں سے بات کرتے ہوئے کہا کہ مرکزی حکومت کو چاہیئے کہ وہ اپنی غلط پالیسیوں کو درست کرکے جموں کشمیر کا ریاست کا درجہ بحال کریں۔ انہوں نے کہا بی جے پی نے ریاست مخالف فیصلوں سے جموں کشمیر کی پہچان کو ختم کیا ہیں۔

انہوں نے کہا بی جے پی نے ریاست کو مرکزی زیر انتظام والا علاقہ بنا کر ڈوگری تہذیب کو مٹانے کی کوشش کی ہیں۔ انہوں نے مزید کہا کہ بی جے پی حکومت بے روزگار نوجوانوں کو روزگار فراہم کرنے میں ناکام ہوچکی ہیں۔

واضح رہے کہ جموں وکشمیر سے دفعہ 370 کی منسوخی کے بعد 31 اکتوبر کو ریاست باضابطہ طور مرکز کے زیر انتظام دو علاقوں میں تقسیم کردی گئی اور اب سبھی مرکزی قوانین جموں کشمیر میں لاگو ہو جائے گے جو پہلے ممکن نہیں تھا۔