ترال: بجلی کی ابتر صورتحال سے عوام پریشان

جموں و کشمیر کے ضلع پلوامہ کے ترال علاقہ کے گلاب باغ کے لوگ بجلی کے ناقص ترسیلی نظام سے پریشان ہیں۔

اس کی وجہ سے نہ صرف آبادی کو مشکلات کا سامنا ہے بلکہ ناقص ترسیلی نظام سے انسانی جانوں کے نقصان ہونے کا ڈر بھی آبادی کو ہمیشہ لگا رہتا ہے۔

تفصیلات کے مطابق آڈہ محلہ گلاب باغ ترال کی چالیس سے زائد کنبوں پر مشتمل آبادی کے لیے بجلی محکمہ نے تیس سال قبل ایک ٹرانسفارمر دیا ہے۔ جو اب زیادہ تر اوقات خراب ہی رہتا ہے۔

مقامی باشندہ فیروز احمد نے بتایا کہ گاؤں میں بجلی کا نظام بہت خراب ہو گیا ہے جبکہ بجلی کی تاریں درختوں سے لٹکی ہوئی ہیں اور وولیٹیج انتہائی کم رہتا ہے۔

اس کی وجہ سے صارفین کو مشکلات درپیش ہیں۔

ایک دوسرے مقامی باشندہ محمد رمضان نے بتایا کہ گاؤں میں بجلی کا نظام بد ترین ہو گیا ہے اور آبادی کو اس جدید دور میں بھی اس حوالے سے دقتوں کا سامنا ہے۔

تاہم مقامی لوگوں نے انتطامیہ سے اس ضمن میں فوری مداخلت اور موثر اقدام کا مطالبہ کیا ہے۔