سرینگر: آتشزدگی میں ایک مکان خاکستر

آگ کی واردات میں صفا کدل چوک میں واقع تین منزلہ رہائشی مکان کو نقصان پہنچا ہے۔

جموں وکشمیر کے دارالحکومت سرینگر کے صفا کدل علاقے میں آگ کی واردات میں ایک رہائشی مکان خاکستر ہوگیا۔

پولیس اور مقامی لوگوں کے مطابق صفا کدل میں آج صبح آتشزدگی کا ہولناک واقعہ پیش آیا جس سے ایک تین منزلہ رہائشی مکان تباہ ہوگیا۔ تاہم کسی جانی نقصان کی کوئی اطلاع نہیں ہے۔

فائر اینڈ ایمرجنسی کے اہلکاروں نے موقع پر جاکر آگ کو قابو میں کر کے اس کو مزید پھیلنے سے روک لیا ہے۔

آتشزدگی کی وجہ بجلی بتائی جارہی ہے۔ تاہم پولیس کا کہنا ہے کہ معاملے کی جانچ کی جارہی ہے۔