ہلاک شدہ بچی کے اہل خانہ کو ایمبولینس دینے سے انکار

سڑک حادثے میں شدید طور پر زخمی 18 سالہ بچی نے علاج کے دوران آج صورہ ہسپتال میں دم توڑ دیا، بچی کے اہل خانہ نے لاش کو گھر لے جانے کے لئے ہسپتال انتطامیہ سے ایمبولینس کا مطالبہ کیا، لیکن ہسپتال انتظامیہ نے ایمبولینس دینے سے انکار کردیا۔

شمالی کشمیر کے ضلع کپواڑہ میں ایک ہفتے قبل ہوئے سڑک حادثے میں شدید طور پر زخمی 18 سالہ بچی نے آج صورہ میڈیکل ہسپتال میں دم توڑ دیا، متوفی کی اہل خانہ نے لاش کو گھر لے جانے کے لئے ہسپتال انتطامیہ سے ایمبولینس کا مطالبہ کیا، لیکن ہسپتال انتظامیہ نے متوفی کے اہل خانہ کو ایمبولینس دینے سے انکار کردیا۔

اس تعلق سے متوفی کے اہل خانہ نے بتایا کہ 'شدید برفباری کے دوران لاش کو کپواڑہ لے جانا تھا۔ لیکن ہسپتال انتظامیہ کی جانب سے ایمبولینس مہیا نہیں کرائے جانے کے سبب لاش سمیت گیارہ بجے تک ہسپتال میں پرائیوٹ گاڑی کا انتظار کرنا پڑا۔

واضع رہے لولاب کے عبدالخالق خان کی بیٹی 18سالہ شبینہ بانو 29 دسمبر کو سڑک حادثے میں شدید زخمی طور پر زخمی ہوگئی تھی اور آج ایک ہفتے کے بعد سرینگر صورہ اسپتال میں علاج کے دوران اس کی موت واقع ہوگئی۔