رامبن:میں 'پولیس، پبلک' دربار کا انعقاد

رامبن میں پولیس اور عوام کے درمیان 'پولیس، پبلک' دربار کا انعقاد کیا گیا جس میں لوگوں نے ضلع کے تمام مسائل سے انتظامیہ کو روبرو کرایا۔

جموں و کشمیر کے ضلع رامبن میں ایس ایس پی پی ڈی نیتیا کی صدارت میں آج پولیس، پبلک دربار کا انعقاد کیا گیا جس میں رامبن کے سیاسی و مذہبی رہنماؤں کے ساتھ ساتھ بڑے تعداد میں مقامی لوگوں نے شرکت کی۔

اس دوران اجلاس میں پہنچے مقامی لوگوں نے پولیس کی کام کی تعریف کرتے ہوئے کہا کہ 'یہاں کی عوام کسی بھی غیر قانونی واقعات میں مکمل طور پر پولیس کی حمایت کرے گی۔

وہیں متعدد لوگوں نے انتظامیہ کو منشیات کی روک تھام، چوری کی وارداتوں میں اضافہ اور دیگر مسائل کو حل کرنے کا مطالبہ کیا۔ جس کے بعد پولیس سربراہ نے عوامی مسائل پر غور کرتے ہوئے انہیں جلد از جلد حل کرنے کی یقین دہانی کرائی۔

واضح رہے کہ ایس ایس پی رامبن ڈی پی نیتیا نے حال ہی میں ضلع رامبن میں اپنا عہدہ سمبھالا ہے۔