Raksha Bandhan Celebration منڈی میں رکھشا بندھن کا تہوار بڑی دھوم دھام کے ساتھ جاری

ضلع پونچھ کی تحصیل منڈی میں واقع بابا بڈھا امرناتھ مندر میں رکھشا بندھن کا تہوار جوش و خروش کے ساتھ منایا جا رہا ہے۔ اس موقعے پر مسلم خواتین نے بھی فوجی جوانوں کی کلائیوں پر راکھی باندھی۔

منڈی: ملک کی دوسری ریاستوں کی طرح مرکز کے زیر انتظام یوٹی جموں و کشمیر کے پونچھ ضلع سمیت تمام اضلاع میں رکھشا بندھن کا تہوار جوش و خروش کے ساتھ منایا جا رہا ہے۔ مختلف مقامات پر مسلم خواتین نے فوجی جوانوں کی کلائیوں پر راکھی باندھی اور بھائی چارہ کا پیغام دیا۔ اس حوالے سے شری مہا منڈلیشور سوامی وشوا اتمانند سرسوتی مہاراج نے کہا کہ رکشہ بندھن کا تہوار ملک بھر میں ہر برس بڑے جوش و خروش کے ساتھ منایا جاتا ہے اور رکشہ بندھن کا تہوار کسی ایک مذہب کا تہوار نہیں ہے بلکہ اس تہوار کو تمام مذاہب کے لوگ مل کر دھوم دھام کے ساتھ مناتے ہیں۔

اس دوران مسلم سماج کی بچیوں کی جانب سے فوج کی 39 راشٹریہ رائفل ہاڑی بڈھا کے جوانوں کی کلاہیوں پر بھی راکھی باندھ کر مٹھائیاں پیش کی اور انہیں اپنے گھر سے دور نہ ہونے کا احساس دلاتے ہوئے بہنوں کی کمی محسوس نہ ہونے دی۔

اس دوران بہنوں نے اپنے بھائیوں کی لمبی عمر اور سلامتی کی دعا مانگی اور بھائیوں نے بہنوں کی حفاظت کی قسم لی۔ یاد رہے پروگرام کی نظامت چیئرمین ہاشمی یوتھ کلب سرفراز احمد کر رہے تھے۔ اس موقعے پر انہوں تمام اہل وطن کو رکشہ بندھن کی مبارک باد پیش کی۔