کشمیر میں موسم سہانہ

وادی کشمیر میں طویل خشک موسم کے بعد بارش کے سبب موسم میں نمایاں تبدیلی واقع ہوئی۔

گرچہ منگل سے ہی وادی کے بالائی علاقوں میں تیز بارشوں کا سلسلہ شروع ہوا تاہم میدانی علاقوں میں بہت کم بارش ہوئی، تاہم جمعرات شام سے ہی میدانی علاقوں میں بھی وقفے وقفے سے بارشوں کا سلسلہ جاری ہے۔

رحمت باراں سے گرم موسم میں خاصی تبدیلی اور اچانک ٹھنڈ کے باعث لوگوں نے گرم ملبوسات پہننے شروع کر دئے۔
دریں اثناء بارش کی وجہ سے میوہ صنعت خصوصاً سیب سے جڑے کاشتکاروں نے مسرت کا اظہار کیا۔

اس موسم میں بارش کا ہونا سیب اور دھان کے لیے کافی فائدے مند ہوتا ہے۔
عوام الناس بھی موسمی تبدیلی کی وجہ سے خوش ہیں۔