رامبن کی سڑکیں ندی نالوں میں تبدیل

جموں کشمیر کے ضلع رام بن کے سب ڈویژن گول میں گزشتہ شب سے شدید بارش کے باعث سڑکیں زیر آب ہو گئی ہیں۔

پانی کی نِکاسی نہ ہونے کے سبب بارش کاپانی سڑکوں پر جمع ہورہا ہے سب ڈویژن کی سڑکیں جھیل کا منظر پیش کررہی ہیں جس کی وجہ سے سڑکوں نے ندیوں کی شکل اختیار کی ہے۔

سڑک کے کنارے نالیاں نہ ہونے کی وجہ سے پانی زمینداروں کی زرعی اراضی اور رہائشی مکانات کے اندر گھس کر شدیدنقصان پہنچ رہا ہے وہیں دوسری جانب راہگیروں کوبھی شدید مشکلات کا سامناہے۔

لوگوں نے کہا کہ گول سلبلہ۔ گول پرتمولہ بائی پاس روڈ ۔گگرسولہ۔ ڈاڑم گول روڈ بولنی ٹاپ۔ ٹھٹھارکہ روڈ سنگلدان تتاپانی روڈ ۔سنگلدان بڑاکنڈ روڈ کے علاوہ بہت ساری سڑکوں پرنالیاں نہ ہونے کی وجہ سے ساراپانی سڑکوں پرچل رہاہے۔

لوگوں نے انتظامیہ سے اپیل کی ہے کہ وہ سڑکوں پر جمع پانی کی نِکاسی کا بندوبست کریں۔