مقامی لوگوں کا کہنا ہے کہ یہ سڑک گذشتہ کئی سالوں سے خستہ حالی کا شکارہے۔ اور حکومت نے اس معاملے کی طرف تاحال توجہ مبذول نہیں کی ہے۔ سڑک کے خستہ حال ہونے کے سبب سے چند روز قبل ایک ٹرک اس سڑک پر پھنس گئی تھی۔ جس کے بعد سڑک پر ایک گھنٹے کے لیے ٹریفک جام ہوگیا تھا۔
پکھرپورہ سے پلوامہ جاتے ہوئے ایک گاڑی ڈرائیور کا کہنا ہے کہ اس سڑک پر گاڑیوں کا چلنا ہر گذرتے دن کے ساتھ مشکل ہوتا جارہا ہے۔ اور گاڑی پلٹنے کا بھی خدشہ لگا رہتا ہے۔ جو کسی بھی وقت جان لیوا ثابت ہو سکتا ہے۔ ڈرائیور نے انتظامیہ سے اپیل ہے کہ اس سڑک کو جلد سے جلد مرمت کیا جائے۔ تا کہ لوگوں کو مشکلات سے نجات ملے۔
اس معاملہ پر ای ٹی وی بھارت سے بات کرتے ہوئے محکمہ آر اینڈ بی کے جے ای ای، راجپورہ، جاوید احمد کا کہنا ہے کہ اس سڑک کی مرمت آنے والے کچھ ہی دنوں میں کی جائیگی۔ اور لوگوں کو مزید مشکلات کا سامنا نہ کرنا پڑے گا۔
