پلوامہ میں صوبائی سطح کا ہاکی ٹورنامنٹ کا انعقاد
پلوامہ:مرکز کے زیر انتظام یوٹی جموں و کشمیر کے محکمہ یوتھ سروسز اینڈ سپورٹس نے ضلع انتظامیہ کے تعاون سے پلوامہ میں واقع آسٹرو ٹرف گراونڈ میں تمام عمر کے لڑکوں اور لڑکیوں کے لیے صوبائی سطح کے ہاکی ٹورنامنٹ کا انعقاد کیا۔
ٹورنامنٹ کے افتتاحی موقع پر خطاب کرتے ہوئے ڈپٹی کمشنر پلوامہ نے تمام کھلاڑیوں کا خیرمقدم کیا۔ان کی حوصلہ افزائی کی۔طلباء کی بڑی تعداد میں شرکت کرنے پر خوشی کا اظہار کرتے ہوئے ان پر زور دیا کہ وہ ضلع انتظامیہ کی طرف سے فراہم کردہ انفراسٹرکچر کا استعمال کریں۔
ڈپٹی کمشنر نے کھلاڑیوں سے خطاب کرتے ہوئے کہا کہ وہ نہ صرف اپنے اضلاع کی نمائندگی کریں بلکہ بین الاقوامی سطح پر قوم کی نمائندگی کرنے کے لیے خود کو تیار کرے۔ ڈپٹی کمشنر نے اس طرح کے ٹورنامنٹ کے انعقاد پر یوتھ سروس اور سپورٹس ڈیپارٹمنٹ کو سراہا۔