Protest In Rajouri بیگو ناڑہ میں محکمہ جل شکتی و دھرم راج کمپنی کے خلاف احتجاج

ضلع راجوری کے سب ڈویژن تھنہ منڈی کے وارڈ نمبر 1 بیگو ناڑہ کی عوام نے دھرم راج کنسٹرکشن کمپنی و محکمہ جل شکتی کے خلاف احتجاج کرتے ہوئے سڑک کی ناکہ بندی کردی Protest In Rajouri

راجوری:جموں و کشمیر کے ضلع راجوری کے سب ڈویژن تھنہ منڈی کے وارڈ نمبر 1 بیگو ناڑہ کی عوام نے دھرم راج کنسٹرکشن کمپنی و محکمہ جل شکتی کے خلاف احتجاج کرتے ہوئے سڑک کی ناکہ بندی کردی۔اس سے گاڑیوں کی آمدورفت ٹھپ پڑ گئی۔Protest Aganist PHE Deptt& DRCC at Thanna Mandi

مکینوں کا کہناہے کہ سڑک کے تعمیر کام کر رہی کمپنی دھرم راج نے منہال گلی کے مقام پر پانی کی پائپیں اکھاڑ دی ہے۔اس کی وجہ سے گزشتہ ایک ماہ سےعلاقہ میں پانی کی سپلائی متاثر ہوئی ہے ۔اس سے عام لوگوں کو بڑی دشواریوں کا سامنا کرنا پڑ رہا ہے۔کمپنی اور انتظامیہ دونوں سے اس معاملے میں مداخلت کرنے کی اپیل کی لیکن انہوں نے توجہ نہیں دی۔

ان کا مزید کہنا تھا کہ چشمے سے پانی لانے کے لئے انہیں میلوں کا سفر طے کرنا پڑ رہا ہے۔ احتجاج کر رہے مرد و خواتین نے دھرم راج کمپنی، محکمہ جل شکتی اور ضلع انتظامیہ کو تنقید کرتے ہوئے کہا کہ صرف ان کے علاقہ کو ہی نظر انداز کیا جا رہا ہے جبکہ آس پڑوس کے دیہات میں بلا خلل پانی کی سپلائی کو یقینی بنایا جا رہا ہے۔

نائب تحصیلدار تھنہ منڈی اور پولیس اہلکاروں نے موقع پر پہنچ کر احتاج ختم کروایا اور گاڑیوں کی آمدورفت دوبارہ بحال کرائی ۔Protest Aganist PHE Deptt& DRCC at Thanna Mandi