محکمہ پی ایچ ای کے خلاف احتجاج

ریاست جموں و کشمیر کے ضلع بانڈی پورہ کے شلوت سوناواری میں مقامی لوگوں نے محکمہ پی ایچ ای کے خلاف احتجاج کے دوران شلوت کی واٹر ٹینکی کو تالا لگادیا-

مقامی لوگوں نے محکمہ پی ایچ ای پر الزامات عائد کرتے ہوئے کہا کہ شلوت کی واٹر ٹینکی میں آلودہ پانی لوگوں کو سپلائی کیا جارہا ہے جس سے بیماریاں پھوٹ پڑنے کا خطرہ لاحق ہے-

انہوں نے کہا کہ پانی میں کیڑے اور دیگر گندی چیزیں روز نظر آتی ہیں جس سے اندازہ ہوتا ہے کہ ٹینک کی صفائی کا کوئی خیال نہیں رکھا جاتا ہے اور غلیظ پانی لوگوں کو سپلائی کیا جارہا ہے-

انہوں نے بطور احتجاج واٹر ٹینکی پر تالا لگایا اور انتظامیہ کو متنبہ کیا کہ جب تک اس کی صفائی کا عمل شروع نہیں ہوگا تب تک واٹر ٹینکی کو مکمل طور بند رکھیں گے۔

لوگوں نے الزامات عائد کرتے ہوئے کہا کہ غلیظ پانی لوگوں کو سپلائی کیا جارہا ہے